Изјава

          Бидејќи до нас почнаа да пристигнуваат информации дека нашите постови се појавуваат и на профили на одредени политички партии и политичари, ние како Операција Студентски Дом уште во старт изјавуваме дека не сме формирани за собирање на политички поени и најостро ги отфрламе и се оградуваме од сите обиди за квалификација на нашето движење и постоење како политичка пропаганда и поистоветување со одредена политичка партија. Истото важи и за медиумите.
Единствено сакаме да биде прикажана нашата искрена желба и намера за промена оваа студентска иницијатива да придонесе кон подобрување на состојбата без притоа да се спинуваат и извртуваат работите и реалната ситуација со цел да не се злоупотребат целите наведени погоре.

Ви благодариме!

Здраво…

Здраво, добар ден, извинете што ќе ви го реметам мирот и индиферентноста, ама ова е момент кога “ти пука филмот” и веќе не можеш да молчиш. Прво, основно и најбитно, сакам да им се обратам на младите, на студентите ( оние кои, нели, треба да бидат свеста и силата на едно општество, оние чии идеи го движат и поместуваат светот! ), до кога мислат да се согласуваат со се и сешто, до кога мислат апатично да (не) учествуваат во сопственото опкружување, до кога мислат да не коментираат, да не заземаат став за било што, а најмногу за работи што директно се однесуваат на нив? Ова општество пати од недостиг на младинска свест. Зошто?
Имам конкретна провокација и инспирација…